OR-TAMISEMI, Kenya

Timu ya Tanzania imeendelea kuonyesha ushindani  kwenye ya michezo ya shule za Msingi na Sekondari ya nchi za Jumuiya ya Afrika mashariki (FEASSA) yanayoendelea mjini Kakamega, Kenya.

Katika mchezo wa Netiboli Tanzania iliibuka na ushindi wa magoli 39–25 dhidi ya Rwanda, matokeo yanayoongeza matumaini ya kufanya vyema katika hatua za makundi.

Kwa upande wa Soka Tanzania ilionyesha umahiri mkubwa ilipocheza na Kenya na kukubali kipigo cha goli 1–0 kwenye mchezo uliopigwa Uwanja wa Bukhungu, mbele ya umati mkubwa wa mashabiki.

Vilevile kwa upande wa mpura wa Wavu wasichana Tanzania ilionyedha kiwango bora na kuibuka na ushindi wa seti 3–0 dhidi  Uganda, wakidhihirisha uwezo na ubora wao kwenye mchezo huo.

Ushiriki wa Tanzania katika michezo mbalimbali ya FEASSA unaendelea kuimarisha na kukuza vipaji na kudumisha mshikamano wa kijamii kupitia michezo miongoni mwa vijana wa Afrika Mashariki